Əməkdar artist əməliyyat olunub

Akademik Milli Dram Teatrının aktyoru, əməkdar artist Kazım Abdullayev əməliyyat olunub.

Vətəninfo.az  "Report"a istinadla xəbər verir ki, bu barədə aktyor özü məlumat verib. O, həkim nəzarəti altında müalicəsinin davam etdiyini bildirib.

"Yırtıq əməliyyatı olunmuşam. Xeyli müddətdir mənə əziyyət verirdi. Əməliyyat bir saat çəkib. Hazırda evdəyəm və özümü normal hiss edirəm. Amma hələ də ağrılar var. Tez sağalmaq istəyirəm. Çünki sənətimlə bağlı görmək istədiyim çoxlu işlər var", - K.Abdullayev bildirib.

Qeyd edək ki, Kazım Abdullayev Akademik Milli Dram Teatrının aparıcı aktyorlarındandır və repertuarda yer alan əsas tamaşalarda obrazlar ifa edir.