Ən bahalı futbol klubları

Vətəninfo.az  ANS PRESS-ə istinadən xəbər verir ki, dünyanın marka dəyəri ən yüksək olan 50 futbol klubunun adı açıqlanıb. Məlumata görə, beynəlxalq marka qiymətləndirmə şirkəti "Brand Finance" klubların matç gəlirləri, lisenziya haqqı və sponsorluq qazanclarını nəzərə alaraq apardığı araşdırmaya görə, "Bavariya" 896 milyon dollarlıq dəyəriylə siyahıya başçılıq edir. "Real Madrid" klubu isə 768 milyon dollar qiymətlə ikinci pillədədir.

Üçüncü pillənin sahibi 739 milyon dollarla "Mançester Yunayted"dir. "Barselona" 622 milyon dollarla dördüncü, "Mançester Siti" isə 510 milyon dollarla 5-ci pillədə qərarlaşıb. Siyahıdakı ilk iyirmiliyə düşməyi bacaran tək türk klubu isə "Qalatasaray" olub. İstanbul təmsilçisi 141 milyon dollarlıq marka dəyəriylə on yeddinci sırada özünə yer tapıb.

Vətəninfo.az