Müşahidələrimiz zamanı gördük ki, əksər topdansatış məntəqələrində siqaret, uşaq bezi, çay və digər gündəlik tələbat mallarının satışı ya dayandırılıb, ya da az miqdarda satılır. Ərzağın qiyməti isə durmadan bahalaşır. Çox təəssüf ki, əvvəlki bahalaşmada qiyməti dəyişməyən çörək, un və başqa məhsulların da qiymətində artım müşahidə olunur. 

Topdansatışla məşğul olan sahibkarlar bildiriblər ki, xaricdən gətirilən məhsullarla yanaşı, yerli malların qiymətində də xeyli artım olub. Onlar bunu yerli firmaların məhsulu istehsal edərkən sərf olunan xərclərin dollarla hesablanması ilə əlaqələndiriblər.

 

"Dövlət bütün zəruri tədbirləri görəcək ki, qiymətlərin süni şəkildə qaldırılmasının qarşısı alınsın. Təbii ki, manatın devalvasiyaya uğraması idxaldan asılı olan məhsulların qiymətinə təsir edir və onların qiyməti artacaq. Lakin biz bu prosesə nəzarət edəcəyik. Süni şəkildə, devalvasiyadan asılı olmayan səbəbdən qiymət artımının qarşısı alınacaq", - deyə Ş. Mustafayev bildirib.baku.ws