“Eurovision 2014”ün təntənəli açılışı oldu

Vətəninfo.az  Moder.az-a istinadən xəbər verir ki, mayın 4-də axşam Danimarkanın paytaxtı Kopenhagendə “Eurovisino 2014” beynəlxalq mahnı yarışmasının təntənəli açılışı olub. Səhnəyə əvvəlcə ötən il İsveçin Malmö şəhərində keçirilən yarışda “Only Teardrops” mahnısı ilə Danimarkanı təmsil edərək qalib gələn Emmili de Forest çıxıb. Bundan sonra builki müsabiqənin iştirakçısı olacaq 37 ölkənin iştirakçıları səhnədən təqdim olunublar.
Qeyd edək ki, səhnəyə sonuncu “Tick-Tock” mahnısı ilə Ukraynanı təmsil edəcək Mariya Yaremçuk çıxıb. Açılış mərasimində çıxış edən Kopenhagen şəhərinin meri Frank Yensen “Eurovision 2014”ün hamı üçün böyük bayrama çevriləcəyinə ümid etdiyini bildirib. Builki yarışın yarımfinalları mayın 6-da və 8-də keçiriləcək. Final mayın 10-da olacaq. Azərbaycanı “Eurovision-2014” mahnı müsabiqəsində Dilarə Kazımova təmsil edəcək.

Vətəninfo.az