FİFA-dan Ebola açıqlaması

FİFA 10-20 dekabr tarixində Mərakeşdə keçiriləcək FİFA klublar arası dünya çempiontında futbolçuları Ebola virusundan qorumaq üçün tövsiyə xarakterli qərar qəbul edib.

Vətəninfo.az həmin tövsiyələri təqdim edir:

- Qvineya, Sierra Leone ve Liberyadaplanlanlaşdırılan maçlara hazırlıqlar tərəfsiz bir ölkədə keçirilsin.

- Ebola əlamətləri olan futbolçular və ya xəstəliyin geniş yayıldığı ölkələrə səfər etmiş futbolçuların və klub üzvlərinin virus daşıyıcısı olub olmadığını müəyyən etmək üçün oyundan qabaq nəzarətə alınsın və analizlər götürülsün.

- Qvineya, Sierra Leone ve Liberya futbolçularının gündəlik bədən hərarətləri ölçülməsi də daxil olmaqla daim nəzarətdə saxlanılsın.

- Ən böyük risk daşıyan 3 ölkədə oynanılacaq qarşılaşmalardan öncə rəqib komandanın futbolçuları Ebolaya qarşı qabaqlayıcı tədbirlər barədə məlumatlandırılsın.

- Ən böyük risk daşıyan 3 ölkədə baş tutacaq qarşılaşmada mübarizə aparacaq komandaların futbolçuları tibbi müayənədən keçirilsin.

- Bütün komandalar ölkələrindəki səlahiyyətli orqanlarla Ebolanın müəyyən olunması və nəzarət altına alınması barəsində əməkdaşlıq etsin.

- Komandalar şübhəli durumlardaFIFA Sağlamlıq Kabinetinə müraciət etsin.