Hakim partiya qadın deputatlarının sayını artırmaq istəyir

“Biz istər parlament, istərsə də bələdiyyə seçkilərində namizədlərin arasında qadınların olmasına üstünlük vermişik. Parlament seçkilərində mərhələ-mərhələ hakim partiya tərəfindən qadın namizədlərin sayı artırıb”.

Vətəninfo.az  Modern.az-a istinadla xəbər verir ki, bunu Yeni Azərbaycan Partiyası (YAP) icra katibinin müavini, deputat Siyavuş Novruzov deyib. YAP rəsmisi xatırladıb ki, Milli Məclisin bundan əvvəlki tərkibində hakim partiyanı 12 qadın təmsil edirdisə, hazırda bu say 20-dir. O bildirib ki, YAP həmişə qadınlara üstünlük verir:
“Burada söhbət həm də seçici amilindən gedir. Əgər seçici də belə bir şey istəyəcəksə, təbii ki, YAP tərəfindən irəli sürülən qadın namizədlərin sayında əvvəlki illərə nisbətən artım olacaq. Biz həmişə buna diqqət yetirmişik”.
Bu ilin noyabr ayında Milli Məclisə növbəti seçkilər keçiriləcək.