Hakimin üzünə tüpürdü

“Xəzər Lənkəran” komandanın müdafiəçisi Elnur Allahverdiyevi cəzalandıracaq

Bu haqda Qol.Az-a klubun direktoru Höccət Hacıyev məlumat verib.

O bildirib ki, “Turan”la dünən keçirilən ölkə çempionatının oyununda E.Allahverdiyevin etdiyi hərəkət heç bir etik qaydaya sığmır.

Matçın rəsmi protokolunda göstərilib ki, E.Allahverdiyev oyunun 77-ci dəqiqəsində hakimin üzünə tüpürüb, bu səbəbdən meydandan qovulub.

“Düşünürəm ki, klub rəhbərliyi onu bu hərəkətinə görə cəzalandıracaq. Elnur komandanı çox pis vəziyyətdə qoydu”, - deyə H.Hacıyev bildirib.