ABŞ, Rusiya, Fransa bu münaqişənin həlli yolunda ATƏT-in Minsk Qrupunun heç bir əməli, konkret iş görmədiyi halda onu tam dəstəkləməsini davamlı şəkildə bəyan etməsi, çox böyük müəmma və xain niyyətlərinin olmasını göstərir. Görün bu adamlar özlərini necə axmaq yerinə qoyublar ki, üstündən 20 il keçib, hələ indi hansısa mücərrad və mənasız gələcək işlərdən danışırlar. Amerikalı general D.Makdyu ABŞ-ın ATƏT-in Minsk qrupu çərçivəsində həyata keçirilən sülh danışıqlarına münasibət bildirərkən deyir ki, "münaqişə tərəfləri bir araya gələrək məsələləri müzakirə etdikləri, ümumi məxrəcə gəldikləri halda, ABŞ Dağlıq Qarabağ münaqişəsinin dinc yolla həllinin tapılmasına öz dəstəyini verəcək”(?!).

Bunlar bir dəfə də olsun işğalçı Ermənistanı nə adı ilə çağırmağa cürətləri çatıb, nə də ona hər hansı təsir göstərməyi bacarmayıblar. Bütün bunların fonunda bu cənablardan soruşmaq lazımdır ki, siz hansı üzlə hələ özünüzü belə ağıllı və bacarıqlı göstərməyə çalışırsınız? Məhz sizlərin ikibaşlı və hiyləgər siyasətiniz nəticəsində 1991-1994-cü illərdə Azərbaycanın Dağlıq Qarabağ ərazisi uğrunda Ermənistan və havadarları olan sizlər, Azərbaycan ərazilərinin 20 faizi – Dağlıq Qarabağ və ətraf 7 inzibati rayon (Laçın, Kəlbəcər, Ağdam, Füzuli, Cəbrayıl, Qubadlı, Zəngilan) işğal olunub, 1 milyondan artıq insan qaçqın və məcburi köçkün vəziyyətinə düşüb. Və 20 ildən artıqdır ki, siz boşboğazlıqla, hiyləgərliklə günü-günə, ayı-aya, illəri də illərə calayaraq öz məkrli missiyanızı uğurla davam etdirisiniz. Ermənistan Silahlı Qüvvələrinin Dağlıq Qarabağdan qeyd-şərtsiz çıxarılması ilə bağlı BMT Təhlükəsizlik Şurasının 1993-cü ildə qısa fasilələrlə qəbul edilmiş 822, 853, 874 və 884 saylı qətnamələri, o cümlədən BMT Baş Assambleyası, AŞPA, ATƏT, İƏT və digər təşkilat və qurumların qətnamələri zərrə qədər də olsun yerinə yetirilməyib.

Bir daha təkrar edirəm ki, mənə elə gəlir ki, böyük dövlətlər tədricən Qarabağın Azərbaycandan qoparılması, sonrakı mərhələlərdə isə daha bir qondarma erməni dövlətinin elan olunması üçün hərəkətə başlıyıblar. İnanın səmimiyyətimə ki, mən çox narahatam. Rusiya, Amerika, Fransa bizi ustalıqla aldadırlar. Qarabağ belə gedişlə Azərbaycana hələ uzun illər qaytarılmayacaq. Başımıza əlac qılmalıyıq”.