İdmançılarımız mükafatlandırılacaq

Birinci yeri tutmuş hər bir idmançı 50 min, onun məşqçisi 25 min manat mükafat alacaq

Milli Olimpiya Komitəsinin prezidenti İlham Əliyev Bakıda keçirilən I Avropa Oyunlarında Azərbaycan idmançıları və onların məşqçiləri üçün ən yüksək nəticələrə görə mükafatların müəyyən edilməsi haqqında sərəncam imzalayıb.
Vətəninfo.az  APA-ya istinadən xəbər verir ki, I Avropa Oyunlarında ən yüksək nəticələrə görə Azərbaycan Respublikasının idmançıları və onların məşqçiləri üçün mükafatların məbləği aşağıdakı qaydada müəyyən edilib:

 - birinci yeri tutmuş hər bir idmançıya 50 min manat, onun məşqçisinə 25 min manat;

- ikinci yeri tutmuş hər bir idmançıya 30 min manat, onun məşqçisinə 15 min manat;

 - üçüncü yeri tutmuş hər bir idmançıya 20 min manat, onun məşqçisinə 10 min manat.

 Komanda idman növlərində göstərilmiş ən yüksək nəticələrə görə mükafatlar aşağıdakı qaydada müəyyən edilib:
 
- birinci yeri tutmuş komandanın hər bir üzvünə 15 min manat;

 - ikinci yeri tutmuş komandanın hər bir üzvünə 10 min manat;
 - üçüncü yeri tutmuş komandanın hər bir üzvünə 5 min manat.