İlin bəstəkarından "Bir Mələyin ürək səsi"

Bu gün bəstəkar Sevinc Tofiqqızı “Bir Mələyin ürək səsi” diskinin təqdimat mərasimini keçirib.

Vətəninfo.az-ın məlumatına görə, 12 kompozisiyadan ibarət olan diskdə Zərifə Əliyevanın xatirəsinə həsr olunmuş “Gözlərə nur verən mələk”, Mustafa Kamal Atatürkün xatirəsinə həsr olunmuş “Mənim Atatürküm”adlı kompozisiyalar da yer alıb.

Təqdimat mərasimində xalq artisti Flora Kərimova, Türkiyənin Azərbaycandakı Səfirliyinin Mədəniyyət və Turizm müşaviri Əhməd Seyyid Arslan, müğənnilər Mila və Vüqar Muradov iştirak edib. Qonaqlar bəstəkarı təbrik edib və ona yaradıcılıq uğurları arzulayıblar.

Qeyd edək ki, Sevinc Tofiqqızı “Show Production” tərəfindən “İlin bəstəkarı” mükafatına layiq görülüb.
Könül İbrahim