Miq.az xəbər verir ki, bu barədə Ümid Partiyasının sədri İqbal Ağazadə "Facebook” hesabında məlumat paylaşıb.

Onun sözlərinə görə, 30 gün müddətində bu çatışmazlıqları aradan qaldırıb, siyahını yenidən təqdim etməliyik:

"İşçi qrupumuz rayon şöbələri ilə birgə çalışmalara başladı, yaxın günlərdə yekun siyahımızı yenidən Ədliyyə Nazirliyinin qeydiyyat idarəsinə təqdim edəcəyik.

Biz Azərbaycanın strukturlaşmış və sabit xətti olan ən ciddi siyasi təşkilatlarının önündə gəlirik.

Üzvlərimizin sayı isə tələb olunandan xeyli çoxdur.

Xalqımıza və cəmiyyətimizə fayda vermək, ölkəmizin demokratikliyini təmin etmək, azad seçki keçirmək, insan haqlarını qorumaq, ən başlıcası, milli problemləri həll etmək üçün bir ÜMİDƏ ehtiyac var…

ÜMİD BİZİK…” – partiya sədri deyib.