Miq.Az bildirir ki, bu sözləri tanınmış ekstasens Zirəddin Rzayev "Baku TV”- gələn il üçün verdiyi proqnozlarında deyib.

Onun sözlərinə görə, 2023-cü il xüsusən İran və Qazaxıstan üçün rahat il olmayacaq: "Bu iki ölkədə daxili mitinqlər və hərbi müdaxilələr istisna olunmur”.

Görücünün sözlərinə görə, gələn il Türkiyədə yeni terror aktının baş verməsi istisna olunmur.

Z.Rzayev Azərbaycanla bağlı bəzi proqnozlarını açıqlayıb. Onun sözlərinə görə, 2023-cü ilin fevral-mart və noyabr-dekabr aylarında Ermənistanla münasibətlərdə "hər hansı qığılcımlar” baş versə də ümumilikdə xoşagəlməz hadisələr və böyük müharibə gözlənilmir. "Azərbaycanın sənaye müəssələrində yanğın baş verməsi ehtimalı böyükdür. Bunun zavod yoxsa fabrik ola biləcəyini deyə bilmərəm. Amma yanğın ehtimalı böyükdür”-deyə Z.Rzayev vurğulayıb.

Ekstrasens həmçinin gələn il dünyada qıtlıq təhlükəsinin olacağına dair proqnoz verib.

Z.Rzayev bildirib ki, 2023-cü il ümumilikdə 2022-ci ildən fərqlənməyəcək.