İŞİD futbol turniri keçirəcək

İŞİD terror qruplaşması Liviyada tərəfdarları arasında futbol üzrə yarış keçirməyi planlaşdırır.

Vətəninfo.az Türkiyə mediasına istinadən xəbər verir ki, İŞİD yarışı Liviyanın Aralıq dənizi sahilində yerləşən Derna şəhərinin stadionunda keçirmək niyyətindədi. Yarışda Əfqanıstan, İraq, Misir, Liviya və Suriyadan olan İŞİD üzvləri iştirak edəcək. 

Yarışın keçirilməsinin dəqiq tarixi açıqlanmasa da təşkilat komitəsinin seçildiyi bildirilir. Təşkilatçılar ümid edirlər ki, yarış “İslam Dövləti”nin sıralarına gəncləri cəlb etməyə kömək edəcək.