“İslam qardaşlıq dinidir” mövzusunda tədbir keçirilib

Məhəmməd Peyğəmbərin (s.a.v.) doğum günü ilə bağlı “İslam qardaşlıq dinidir” mövzusunda tədbir keçirilib

Veteninfo.az bildirir ki, “Gənclərin Töhfəsi” İctimai Birliyi gənclərin təşəbbüsü ilə aprelin 28-də Hz.Məhəmməd Peyğəmbərin (s.a.v.) doğum gününə həsr edilmiş “İslam qardaşlıq dinidir” mövzusunda tədbir keçirib. Tədbirdə bir çox gənclər iştirak edib.

Tədbiri çıxış sözü ilə açan birliyin sədri Asim Vəliyev bildirib ki, İslam dini birlik və bərabərlik dinidir. İslam qardaşlıq dinidir. Dinimiz din qardaşlığını qan qardaşlığından daha mühüm və üstün sayır. Çünki din qardaşlığında mənfəət yoxdur. Daha sonra “Quran-Kərimdən” ayələr oxunub. Tədbirdə Bakı İslam Universitetinin məzunu Rəfael Mikayıl “İslam qardaşlıq dinidir” mövzusunda geniş məruzə ilə çıxış edib.

Tədbir zamanı iştirakçılara Peyğəmbərimizin həyatından bəhs edən qısametrajlı film təqdim edilib və tədbir Peyğəmbərimizin “Vida xütbəsi” ilə yekunlaşıb.

Rəqsanə Yusifzadə