“İsveçrə Bankları özlərinin sərfəli kreditləriylə məşhurdurlar”

Vətəninfo.az xəbər verir ki, Dünya Bank sektorunun nəhənglərindən olan Credit Suisse Bankı İsveçrə iqtisadiyyatının artım tempi ilə bağlı 6 aylıq proqnozunu yayıb. Proqnozda qeyd olunur ki, İsveçrə iqtisadiyyatı dünya iqtisadi böhranına qarşı olduqca möhkəm dayanıb. ABŞ və Avropa ölkələri iqtisadiyyatlarının durğunluq tempinə münasibətdə cari ildə İsveçrə iqtisadiyyatının artım tempinin 1,5%-ə yüksələcəyi gözlənilir. 

İsveçrə-Azərbaycan Təşkilatının sədri Elxan Həsənli Bankın proqnozunu şərh edərkən bildirib ki, Credit Suisse Bankının proqnozu təkcə Avropada deyil, eləcə də bütün dünya dövlətlərinin hökumətləri tərəfindən izlənilir: “İsveçrə Bankları özlərinin sərfəli kreditləriylə məşhurdurlar və  bu proqnoz bütün dünyaya bir siqnaldır ki, kredit faizləri yaxın 6 ay ərzində dəyişməz qalacaq. İsveçrə Milli Bankı aşağı faiz dərəcəsi siyasətini davam etdirəcək. Hal-hazırda ipoteka kreditlərinin faiz dərəcəsi illik 1,5-2 %, tikinti kreditləri 2-2,5 %, şəxsi və firma kreditləri 4,5-6 faiz arasında dəyişir.

Qeyd edək ki, Azərbaycan Dövlət Neft Şrikətinin Avropaya yatırdığı  investisiyalarının böyük hissəsi İsveçrəyə yönəlib”,-deyə Elxan Həsənli deyib.

Elnur Eltürk

Vətəninfo.az