Kəmərdən istifadə etməyən sürücüləri nə gözləyir?

Kəmər bağlamayan sürücülərin addımbaşı cərimələnə bilməsi məsələsinə aydınlıq gəlib.

Miq.az Milli.Az-a istinadən xəbər verir ki, yol-nəqliyyat məsələləri üzrə ekspert, hüquqşünas Ərşad Hüseynov bildirib ki, yeni İnzibati Xətalar Məcəlləsində sürücünün təhlükəsizlik kəmərindən istifadə etməməsinə görə elektron protokol (MMX protokol) tərtib olunması nəzərdə tutulur:

"Əvvəllər sual yaranırdı ki, sürücü hər kamera qarşısından keçəndə ona protokol yazılacaqmı? Yeni dəyişikliyə əsasən, eyni sürücüyə kəmərlə bağlı bir gündə yalnız bir elektron protokol tərtib edilə bilər. Amma həmin sürücüyə DYP əməkdaşı yerində saxlamaqla kəmərə görə məhdudiyyətsiz sayda protokol yazıb cərimələyə bilər".

Lakin ekspert bu dəyişikliyi bəyənmədiyini deyib: "Kəmər həmişə bağlı olmalıdır.Kəməri bağlamayan sürücünü isə hər addımda cərimələmək lazımdır".

Miq.az