Lukaşenko hakimiyyətdən gedir, Nazarbayev Avropaya

“Avropa Şərq Tərəfdaşlığı ölkələrinin xarici işlər nazirlərinin növbəti sammitində Lukaşenkonun namizəd olmayacağı ehtimalından danışması əslində bir çox şeylərdən xəbər verir”.

Bu barədə iqtisadçı ekspert Natiq Cəfərli açıqlama verib. O, Avropa Şərq Tərəfdaşlığı ölkələrinin sammitində bəzi mühüm məqamlara diqqət çəkib:

 “İki gün öncə Belarusda baş tutan sammitdə Rusiya kiçik və orta biznesin yoxlamalarına üç illik qadağa qoyub, biznesin inkişafına mane olan qurumlarda ixtisarlar olacağını bəyan edib. Bu, çox ciddi bir bəyanatdır. Eyni zamanda Belarus Avropa ilə yaxınlaşma planları quraraq sivil toplum və seçkilər mövzularında birgə komissiya yaradacağını da bildirib. Ən mühüm məqam isə Qazaxıstanla bağlıdır. Lukaşenko erkən seçkilərin ola biləcəyini vurğulayaraq hətta özünün namizəd olmayacağı ehtimalından danışıb. Bununla bərabər, Qazaxstan “İslahatın 100 addımı” adlı proqram qəbul edib, siyasi, iqtisadi islahatlara start verib. Həmin islahatlar bunlardır:
 
1) Parlament respublikasına keçid

 2) ÜTT-yə artıq üzv olub
 
3) Ölkə onlarla dövlətlə vizaları qaldırıb

 4) İqtisad Məhkəmələri anqlo-sakson hüququna görə qurulur, hakimlər Avropadan, əsasən də Britaniyadan dəvət ediləcək

 5) Hər il 10000 gənc xaricə təhsil almağa göndəriləcək

 6) İri beynəlxalq banklar birbaşa bazara buraxılacaq

 7) Sivil toplum və siyasi partiyalar haqqında qanun Avropa ölkələrininkinə uyğunlaşdırılacaq”.

Axar.az