MHP AKP ilə koalisiya şərtlərini açıqladı

MHP Türkiyədə koalisiya hökumətinin qurulması ilə bağlı şərtlərini açıqlayıb. -

Vətəninfo.az Axar.az-a istinadla  xəbər verir ki, partiyanın AKP ilə koalisiyaya getmək üçün dörd şərti var. MHP sədri Dövlət Baxçalı Baş nazir Əhməd Davudoğlu ilə görüşəcəyi təqdirdə bu şərtləri şəxsən çatdıracaq.
 
MHP-nin şərtləri isə bunlardır:

 1. Prezident idarəetmə üsuluna keçilməsi fikrindən imtina və parlament sistemilə davam etmək;

 
2. Türk şəxsiyyəti və unitar dövlət quruluşunun dəyişdirilməsi ilə bağlı konstitusiyaya heç bir dəyişikliyin edilməməsi;

 3. 17-25 dekabr əməliyyatı (2003-cü il) zamanı adı rüşvətə qarışan şəxslərin məsuliyyətə cəlb edilməsi;

 4. PKK ilə danışıqlardan imtina edilməsi.

 Qeyd edək ki, iyunun 7-də keçirilən parlament seçkisində AKP 258, CHP 132, MHP 80, HDP 80 millət vəkili yeri qazanıb. Türkiyədə bir partiyanın təkbaşına hökumət formalaşdırması üçün parlamentdə ən azı 276 millət vəkili yeri qazanması lazımdır. Hazırkı nəticələr isə koalisiya hökumətinin qurulmasını tələb edir.