“Milli məsələlərdə iqtidar-müxalifət söhbətinə son qoyulmalıdır”

“Bilirsiniz, artıq milli məsələdə iqtidar-müxalifət söhbətinə son qoymaq lazımdır”.

Bu sözləri Vətəninfo.az -a “Diaspor və Lobbi” Elmi Araşdırmalar Mərkəzinin sədri, analitik, Dr.Zaur Əliyev Ağ Evin rəsmi səhifəsində Xocalı soyqırımının tanınması məqsədilə petisiya yerləşdirilməsi ilə bağlı aparılan təbliğatın iqtidarın bir oyunu olduğu ilə bağlı səslənən fikirlərə cavab olaraq deyib.

“ABŞ-ın Prezident Administrasiyasının (Ağ Evin) rəsmi səhifəsində Xocalı qətliamının tanınması məqsədilə yerləşdirilmiş müraciətə səsvermənin kimin keçirməsindən asılı olmayaraq, bu, Azərbaycana qarşı törədilən amansız soyqırıma hüquqi qiymət verilməsi üçün aparılan işdir.

Faciənin 21-ci ildönümü ərəfəsində Xocalı soyqırımı və onun qurbanlarının anılması və ABŞ prezidentinin bununla bağlı bəyanat verməsi üçün imza toplanmasını nəzərdə tutulub. Bu işdə bütün dünya azərbaycanlılarının, siyasi və etnik baxışından asılı olmayaraq, fəallıq göstərməsi vacibdir”.

Elnur Eltürk

Vətəninfo.az