“Nabran Holiday Village”in rəhbəri qanunları saymadı – Mərkəz bağlanmadı

Faktiki olaraq istirahət mərkəzi fəaliyyət göstərir və turistləri qəbul edir

Bir neçə gün əvvəl Nabranda “Nabran Holiday Village” istirahət mərkəzinin hovuzunda faciə ilə üzləşən 2 yaşlı İmran Cəfərzadənin başına gələnlər bütün ölkədə rezonansa səbəb olub. Hadisədən 3 gün keçməsinə baxmayaraq hələ də istirahət mərkənin rəhbərliyi açıqlama verməkdən imtina edir.

Bu gün Mədəniyyət və Turizm Nazirliyinin nümayəndələri istirahət mərkəzində olblar. Bizimxeber.az-ın əməkdaşının verdiyi məlumata görə, nazırlik rəsmiləri açıqlama verməsələr də Xaçmaz Regional Turizm İnformasiya Mərkəzinin ( RTİM) rəhbəri Vasif Əhmədov ən qısa vaxt ərzində Nabran “Holiday Village” barəsində sərt tədbir görüləcəyini bildirib.

Onu da qeyd edək ki, bir neçə dəqiqə əvvəl Nabran Holiday Village-nin bağlanması ilə bağlı xəbərlər yayılsa da faktiki olaraq istirahət mərkəzi fəaliyyət göstərir və turistləri qəbul edir. İstirahət mərkəzin rəsmən bağlı elan olunmayıb, mərkəzdə istirahət edənlər hələ də ordadılar.

Bizimxeber.az