Nazim Məmmədov:"Köklü islahatların aparılmasına pessimist baxıram"

İqtisadi liberallaşmanın elan olunması real deyil. Çünki məmur korpusunun maraqlarına xidmət etmir. Elan olunsa da belə, onu seçkilərə qədər həyata keçirmək mümkünsüzdü”.

Bu sözləri “Vətəninfo.az”-a sabiq millət vəkili, tanınmış iqtisadçı Nazim Məmmədov seçkiqabağı iqtisadi islahatların gözlənilməsi ilə bağlı sualımızı şərh edərkən deyib. 

"Daha sonra N.Məmmədov qeyd edib ki, bu zaman ciddi institusional islahatlar aparılmalıdır: “Bir çox nazirliklər, komitələr birləşdirilməli, ilk növbədə Gömrük Komitəsi Vergilər Nazirliyinin tabeliyinə verilməlidir.

Rəqabət mühitinə nəzarət edən orqan İqtisadi İnkişaf Nazirliyindən alınmalı və onun statusu artırılaraq, prezidentə tabe edilməlidir. Əsasən də lisenziyaların verilməsi nazirliklərdən alınıb, bu quruma verilməlidir. 

Eyni zamanda Nazirlər Kabinetinin dinamik olması üçün onun həm strukturu, həm də kadr islahatları tez bir zamanda həyata keçirilməlidir. Gördüyünüz kimi, vaxt az, vəzifələr isə çoxdur. Ona görə də köklü islahatların aparılmasına pessimist baxıram”, - deyə iqtisadçı əlavə edib.

Elnur Eltürk