N.Nərimanov adına Neft və Qazçıxarma İdarəsində bədbəxt hadisə baş verib.
Vətəninfo.az Dövlət Neft Şirkətinin rəsmi saytına istinadən xəbər verir ki, noyabrın 6-da saat 16.00 radələrində “Azneft” İstehsalat Birliyinin N.Nərimanov adına Neft və Qazçıxarma İdarəsinin ərazisində yerləşən 310 və 312 saylı meydançalar arasındakı təqribən 60 metrlik estakadada uçqun baş verib. Nəticədə estakadanın üzərindən keçən 250 mm diametlik neft xətti qırılıb.
Qəzanın daha böyük miqyas almaması məqsədi ilə NQÇİ-nin ərazidə olan 5 nəfər işçisi 307 saylı meydançaya gedərək oradakı qazpaylayıcı batareyanın siyirtmələrini bağlamış, beləliklə, yanğının və neftin dənizə axma təhlükəsinin qarşısı alınıb. Lakin geri dönərkən onların üzərində olduqları qəzalı meydança da uçub və onlar dənizə düşüblər.
Operativ xilasetmə tədbirləri nəticəsində 4 nəfər dənizdən çıxarılıb. Onlardan 1 nəfəri dünyasını dəyişib. Dənizə düşməsi ehtimal edilən 1 nəfərin axtarış işləri davam etdirilir. Qaradağ-10, PS-158, PSK-51, Ağdərə-4, PSK-31, Orion-4, Şirvan-2, Zərdab-3 gəmiləri axtarış işlərinə cəlb olunublar.
Axtarış işlərinin nəticələri haqqında əlavə məlumat veriləcək. Hadisənin araşdırılması məqsədi ilə xüsusi komissiya yaradılıb.
İcra başçısı girov düşdü – Belə azad edildi
Şərif İlham Əliyevə zəng etdi: Bakıya gələ bilmir!
Vəzifədən azad olunan məşhur həkimdən AÇIQLAMA
Deputat həbsdə olan AXCP sədrinin atasının yas mərasiminə buraxılmamasından danışdı: “Kənar müdaxilə yolverilməzdir”
"Belə uşaqlar dövlətin himayəsində böyüdülməlidir" - Fazil Mustafadan ÇAĞIRIŞ
Onlar hərbi xidmətə çağırıldıqda müavinət ala biləcək
ABŞ-İran qarşıdurması yeni mərhələyə keçir: Hörmüzdə savaş riski artır (ŞƏRH)
Onlar ya Paşinyana, ya da Azərbaycana məğlub olacaqlar
Əli Kərimlinin vəkilləri DTX rəisinə müraciət edib
SON DƏQİQƏ! Hərbçilərimiz Kəlbəcərdə minaya düşdü