“Neftçi” çətin sınaq qarşısındadır - UĞURLAR!

Bu gün Çempionlar Liqasında III təsnifat mərhələsinin ilk oyunlarına yekun vurulacaq.

“Vətəninfo.az” xəbər verir ki, Avropanın ən nüfuzlu turnirdə yeganə təmsilçimiz olan “Neftçi” İsraildə çətin sınaq qarşısındadır. Belə ki, komandamız tarixində ilk dəfə ölkə çempionu olan “Hapoel”in qonağı olacaq.
Klublarımız avrokuboklarda bunadək İsrail təmsilçiləri ilə üzləşsələr də, bu adda rəqiblə ilk dəfə oynayacağıq. “Hapoel” avrokuboklarda ev oyunlarını təmsil etdiyi Kiryat-Şmona şəhərində yox, Hayfada keçirməli olur. Bura isə bizim üçün tarixi və düşərli məkandır. Belə ki, avrokuboklarda İsraildə ilk oyunumuzu 1999-cu ildə məhz bu şəhərdə keçirərək, “Qarabağ” oranı təmsil edən “Makkabi”yə 2:1 hesabı ilə qalib gəlmişdi. Məhz bu nəticə avrokuboklarda ilk dəfə mərhələ adlamağımıza imkan yaratdı.
Çempionlar Liqası, III təsnifat mərhələsi
İlk oyun
1 avqust
21:30. “HAPOEL” (İSRAİL) – “NEFTÇİ” (AZƏRBAYCAN)
Baş hakim: Alan Kelli (İrlandiya)
Hayfa. “Kiryat Eliezer” stadionu