Ordu hərəkətə keçdi - Livanda

Livan paytaxtı Beyrut şəhərində zibillərin yığılmaması etirazçılarla polis arasında toqquşmalara səbəb olub.
Vətəninfo.az Avropa.info-ya istinadən xəbər verir ki, Beyrutda "zibil böhranı” zibilyığan şirkətin fəaliyyətini dayandırması nəticəsində ortaya çıxıb.
Hakimiyyət problemi həll edə bilmədikdə Beyrut küçələrində zibil topaları yığılıb. Küçədə qalan zibilin yoluxucu xəstəliklərə səbəb olam ehtimalı var.
"Zibil böhranı” üzündən dünən Beyrutda keçirilən mitinqə mindən çox adam yığışıb. Hakimiyyətin fəaliyyətsizliyini tənqid edən etirazçılar baş nazirin iqamətgahı qarşısında yığışıblar.
Maska taxmış etirazçılar polisə daş və qum doldurulmuş butulkalar atan zaman polis təzyiqli su və gözyaşardan bomba ilə aksiyanı dağıdıb. 70 nəfərdən çox adam yaralanıb.
Baş nazir  Tamam Selam aksiyaçılarla görüşəcəyini deyib. Aksiyanı təşkil edən "Qorxursunuz” hərəkatının lideri Coy Ajub polisə daş atan maskalı şəxslərlə əlaqələrinin olmadığını deyib.
Livan ordusunun mətbuat katibi Yozef Musallim Beyrutda təhlükəsizliyi qorumaq üçün ordunun hərəkətə keçdiyini bildirib. "Əl-Ərəbiyə” kanalının bildirdiyinə görə ordu iki meydana çevrəyə alıb.
Livanda sosial partlayışa səbəb olan əsas problem Suriya vətəndaş müharibəsi başlayandan sonra bu ölkə 1 milyon 200 suriyalı qaçqının köçməsidir. Livanda onsuz da pis olan su, elektrik, səhiyyə problemi qaçqınların gəlişi ilə bərbad vəziyyətə düşüb.
Hadisəyə şərh verən baş nazir deyib ki, hadisədə günahkar olanların hamısı cavab verəcək. Kimsə cəzasız qalmayacaq.
"Məsələ zibil deyil. Daha böyük siyasi zibil problemləri var”.
O, etirazçılardan bütün siyasi qüvvələri hədəf almalarını, kimsə tərəfindən alət olmamağını xahiş edib.