“Qana qan qarışdı” kitabının təqdimatı keçiriləcək

“Kitab bayramı”nda Hədəf Nəşrləri son nəşrlərini oxuculara təqdim edəcək

Mayın 4-də Bakı Şəhər Mədəniyyət və Turizm İdarəsinin təşkilatçılığı ilə Ümummilli lider Heydər Əliyevin anadan olmasının 90 illik yubileyinə həsr olunmuş “Kitab bayramı”n da Hədəf Nəşrləri də yüzlərlə adda kitabla iştirak edəcək.

Hədəf Nəşrlərinin direktoru Müşfiq XAN bildirib ki, “Kitab bayramı”nda XAN ədəbiyyat layihəsindən - (Xalqım, Azərbaycanım Naminə) milli, çağdaş və tərcümə ədəbiyatı silsiləsindən nəşrlər təqdim olaunacaq.

Nəşriyyat tərəfindən son zamanlar nəşr olunan kitablar arasında Azərbaycan ədəbiyyatının görkəmli nümayənləri Yusif Vəzir Çəmənzəminlinin , Məmməd Səid Ordubadinin və İsa Muğannanın romanları da var. 

“Çağdaş ədəbiyyat” silsiləsindən Müşfiq XAN, Şəmil Sadiq, Qanun Ümman, Elçin Əfəndi, Ülvi Aydın və digər yazarların əsərləri də oxuculara təqdim olunacaq.

“Tərcümə ədəbiyyatı” silsiləsində isə oxucular “Sis və gecə”, “Damda dəli var”, “Hüzur küçəsi”, “Doktor Marçın dörd oğlu”, “Bozqurdlar” kimi kitabları əldə edə biləcəklər.

Həmçinin tədbir çərçivəsində filologiya üzrə fəlsədə doktoru Şəmil Sadiqin “Qana qan qarışdı” kitabının təqdimatı keçiriləcək və oxuculara imzalı kitablar hədiyyə olunacaq.