“Qarabağ”ın 5-ci üstünlüyü

Avropa Liqasının pley-off mərhələsinin ilk oyununda İsveçrə "Yanq Boyz”unu 1:0 hesabı ilə məğlub edən "Qarabağ” qrupa düşmək vəzifəsini böyük ölçüdə həll edib.

Vətəninfo.az-ın Apasport.az saytına istinadən məlumatına görə, Ağdam təmsilçisi indiyədək səfərdə keçirdiyi ilk oyunda eyni hesabla qalib gəlirsə, mərhələni adlayır.

 

Bunadək 4 dəfə belə vəziyyətə düşən təmsilçimiz Bakıdakı cavab oyunlarında da qalib gəlib. Bir sözlə, "Qarabağ” 5-ci dəfə belə üstünlüyü əldən verməməyə çalışacaq.

 

Ümumiyyətlə isə Azərbaycan klubları indiyədək 5 dəfə cavab oyununa belə üstünlüklə çıxıb. Buna 4 dəfə nail olan "Qarabağ”la yanaşı, "İnter”in də belə qələbəsi var. Lakin bakılılar üstünlüyü evdə əldən verərək, oyunsonrası penaltilərlə uduzub.

 

Azərbaycan klublarının səfərdəki ilk oyunda 1:0 hesabı ilə qalib gəldiyi qarşılaşmalar

2009/10	Honka (Finlandiya) - Qarabağ	0:1	1:2
2010/11	Visla (Polşa) - Qarabağ	0:1	2:3
2013/14	Metallurq (Skopye, Makedoniya) - Qarabağ	0:1	0:1
2014/15	Valletta (Malta) - Qarabağ	0:1	0:4
2014/15	Elfsborq (İsveç) – İnter	0:1	1:0	p.4:3