"Avropa Oyunlarında hədəfimiz 35-dən çox medal qazanmaqdır"

Türkiyə rəsmisi: "Hədəfimiz 35-dən çox medal qazanmaqdır" Laçın Akçal: " Çox gözəl bir təşkilatçılıq olacağına inanıram"

"Bakı-2015" Avropa İdman Oyunlarında hədəfimiz 35-dən çox medal qazanmaqdır".
Vətəninfo.az-ın məlumatına görə,  "Report" Türkiyə KİV-ə istinadən xəbər verir ki, bunu Türkiyənin Gənclik və İdman Nazirliyinin Beynəlxalq əlaqələr üzrə şöbəsinin sədri Ozan Çətinər söyləyib.
O, deyib ki, Azərbyacanı öz torpaqları kimi qəbul edirlər: "Türkiyə bir sıra idman oyunlarına ev sahibliyi etməyi bacarıb. Azərbaycanın da bu sahədə bacarıqlı olacağına əminəm. Burada ən yaxşı nəticə əldə etməyə çalışacağıq. Hədəfimiz 35-dən çox medal qazanmaqdır".
Sinxron üzgüçü Laçın Akçal isə çox həyəcanlı olduqlarını və Avropa Oyunları üçün çox məşq etdiklərini vurğulayıb: "Bakıda olmağımız bizim üçün bir üstünlükdür. Burada özümüzü ölkəmizdəki kimi hiss edirik. Hamı türkcə danışır. Çox gözəl bir təşkilatçılıq olacağına inanıram. Medal qazanmaq uğrunda mübarizə aparacağıq".
Xatırladaq ki, "Bakı-2015" Avropa İdman Oyunalrında Türkiyə 190 idmançı ilə çıxış edəcək.