"Dünyada çoxlu müharibələr, münaqişələr, məzhəb ayrı-seçkiliyi var"

"Dünyada çoxlu müharibələr, münaqişələr, məzhəb ayrı-seçkiliyi var". Bunu Qafqaz Müsəlmanları İdarəsinin (QMİ) sədri Şeyxülislam Allahşükür Paşazadə bu gün ulu öndər, xalqımızın ümummilli lideri Heydər Əliyevin anadan olmasının 92-ci ildönümü münasibətilə QMİ-nin təşkilatçılığı ilə keçirilən konfransda bildirib.
A.Paşazadə deyib ki, dünyada çətin və keşməkeşli dövr yaşanmasına baxmayaraq, Azərbaycan seçdiyi düzgün yol sayəsində inkişaf edə bilir: "Biz indi çətin dövrdə yaşayırıq. Qərb, Avropa dövlətləri tərəfindən İslamı gözdən salmaq üçün qruplar yaradılır, onlar bir-birinə qarşı qoyulur. Bütün bunların fonunda isə Azərbaycan inkişaf edir".
Şeyxülislam qeyd edib ki, bu, Azərbaycan rəhbərliyinin düzgün siyasət yürütməsinin nəticəsidir.

Trend