"İndependent" İsa Qəmbərə hücumdan yazdı

Böyük Britaniyanın tanınmış nəşrlərindən olan “The Independent” qəzeti Müsavat Partiyasının başqanı İsa Qəmbərə qarşı sui-qəsd cəhdindən yazıb. Yazıda bildirilir ki, Azərbaycanın ən önəmli müxalif siyasətçilərindən olan İsa Qəmbər polisə məruz qalıb, polis isə hadisələri kənardan izləməklə kifayətlənib.

“Azərbaycan prezidenti İlham Əliyev neftlə zəngin bu kiçik ölkəni sərt nəzarətdə saxlayır və fikir müxtəlifliyinə qarşı dözümsüzdür. Onun üçüncü dəfə iştirak edəcəyi prezident seçkiləri ərəfəsində ölkədə gərginlik artır”, - yazıda bildirilir.

“İsa Qəmbərə qarşı pusqu xarakteri daşıyan hücuma polisin müdaxilə etməməsi böyük narahatlıq doğurur və araşdırılmalıdır”, - Amnesty International-ın Avropa və Mərkəzi Asiya üzrə direktoru Con Dalhuisen deyib. Onun sözlərinə görə, Lənkəranda baş verən olay seçkilər ərəfəsində narahatlıq doğuran hadisələrdən biridir: “Bir neçə vicdan məhbusu təzəlikcə azadlığa buraxılsa da, Azərbaycan hökuməti mövqeyini dinc yolla ifadə edən müxalifət fəallarının həbsini davam etdirir”.

Qəzet yanvarın 12-də Bakının mərkəzində keçirilən aksiyadan da yazıb. Məqalədə bildirilir ki, aksiya zamanı həbs olunanlar ölkədəki orta aylıq əmək haqqı səviyyəsindən yüksək məbləğdə cərimə ediliblər.