"Qızılların saxlanılmasının ən optimal variantı Azərbaycanın özüdür"

"Qlobal maliyyə-iqtisadi böhranın kulminasiya mərhələsi arxada qalsa da, hələ Avropanın bir sıra ölkələrində vəziyyət ağır olaraq qalmaqda davam edir və "tunelin sonunda işıq görünmür"".

Bu sözləri Vətəninfo.az-a Azərbaycan parlamentinin üzvü, Sosial və İqtisadi İnnovasiyalar İnstitutunun rəhbəri Əli Məsimli deyib: "Belə şəraitdə investorlar qeyri-müəyyənlikdən böyük itkilərə məruz qalmasınlar deyə, daha etibarlı və likvid xarakterli sahəyə, yəni qızıla sərmayə yönəldirlər. Azərbaycan da son vaxtlar əlində olan valyuta ehtiyatlarının bir hissəsini xaricdə daşınmaz əmlak və qızıl almağa sərf edir. Hazırki qlobal sabitsizlik şəraitində həmin qızılların saxlanılmasının ən optimal variantı Azərbaycanın özüdür. Bu gedişatla dünyanın işlərini bilmək olmaz. Ona görə də xaricdə olan qızıllarımızın qalan hissəsinin də Azərbaycana gətirilməsi işi sürətləndirilməlidir".

Elnur Eltürk