"Rusiya üçün böhranın kulminasiyası irəlidədir"

Rusiya iqtisadiyyatı üçün böhranın pik nöqtəsi hələ keçilməyib. Vətəninfo.az-ın məlumatına görə, "Report" xəbər verir ki, bunu "İnterfaks" agentliyinə müsahibəsində Rusiyanın sabiq maliyyə naziri Aleksey Kudrin bildirib.
Onun fikrincə, böhranın ən kəskin fazası 2015-ci ilin ikinci yarısına təsadüf edəcək.
"Böhranın kəskin fazası irəlidədir. İlin ikinci yarısında Rusiyada ÜDM azalması ilk yarım ilə nisbətən daha sərt olacaq", - deyə A.Kudrin bildirib.
Sabiq nazir böhranın ən kəskin dövrünün iyun ayında baş verəcəyini proqnozlaşdırır. Daha sonra böhranın səngiyəcəyi, amma hər yeni rübdə keçən ilin müvafiq dövrünə nəzərən azalmanın olacağı gözlənilir.
A.Kudrin Rusiyada bu il ÜDM azalmasının 4% olacağını proqnozlaşdırır ki, bu da İqtisadi İnkişaf Nazirliyinin proqnozundan bir qədər artıqdır.