"Xəzər Lənkəran" oyunçularını millidən geri çağırdı

Futbol üzrə milli komandamızın "DÇ-2014"ün seçmə mərhələsi çərçivəsində İsrail yığmasıyla keçirilən oyun ətrafında söz-söhbət bitmək bilmir ki, bilmir.

Səhər saatlarında Rauf Əliyevin Berti Foqtsu döyməsi xəbərinin ardından, alman mütəxəssislə bağlı daha bir xəbər yayılıb. Bildirilir ki, dünya və Avropa çempionu oyunun 50-ci dəqiqəsində Kamran Ağayevin buraxdığı qolu qolkiperin deyil, "Xəzər Lənkəran" klubunun rəhbərliyinin ayağına yazıb. Alman mütəxəssisin fikrincə, cənublular "transfer pəncərəsi" bağlanmamış heyətlərində saxladıqlarını bəyan etsələr də, sonradan onu əvəzedici heyətə göndərməklə, əlcək sahibinə qarşı haqsızlıq ediblər.

Bildirilir ki, Foqtsun fikirləriylə razılaşmayan "Xəzər Lənkəran" rəhbərliyi dərhal oyunçularını millinin düşərgəsindən geri çağırıb.

Qeyd edək ki, oyundan sonra keçirilən mətbuat konfransında da Foqts K.Ağayevi müdafiə eədrək. onu "ölkənin bir nömrəli qapıçısı" saydığını bəyan etmişdi.

Məsələylə bağlı hər iki tərəfin fikrini saytımızda dərc etməyə hazırıq.

publika.az