"Xəzər-Lənkəran" "Zimbru"ya qarşı - Yenilənir

Türkiyənin Antalya şəhərində hazırlıqlarını davam etdirən “Xəzər Lənkəran” bu gün dördüncü yoxlama matçını keçirəcək. Sportal.az xəbər verir ki, "ağ-yaşıllar"ın budəfəki rəqibi Moldova klubudur. Karles Bakesin yetirmələri “Zimbru”nu sınağa çəkəcək. Qarşılaşma Bakı vaxtı ilə saat 19:00-da başlayacaq.

 Qeyd edək ki, “Xəzər Lənkəran” ilk görüşündə Qazaxıstan “Jetusu”su ilə heç-heçə oynayıb (1:1), ikinci qarşılaşmasında Ukrayna “Krivbass”ına 0:6, üçüncü matçda isə Rumıniya “Timişoara”sına 0:2 hesabı ilə uduzub.