Rəqibimizin baş məşqçisi danışdı

Xorvatiya millisinin baş məşqçisi Niko Kovaç AVRO-2016-nın seçmə mərhələsinin qarşıdakı oyunlarından əvvəl yerli mətbuata danışıb.

Vətəninfo.az xəbər verir ki, oktyabrın 10-u səfərdə Bolqarıstan, üç gün sora isə doğma meydanda Azərbaycanla qarşılaşacaq komandanın gənc çalışdırıcısı hər iki görüşün vacib olduğunu vurğulayıb:

“Qarşıdakı oyunların hər ikisi vacibdir. Bolqarıstan səviyyəli və ciddi rəqibdir. Son zamanlar keyfiyyətli futbol nümayiş etdirir. Seçmə mərhələyə də yaxşı başlayıb. Onlarla qarşılaşma çox çətin olacaq. Lakin biz rəqibi yaxşı təhlil etmişik. Futbolçularımız meydanda nə etməli olduğunu yaxşı bilir. Bu qarşılaşmada müsbət nəticə əldə etməliyik. Çünki bu görüş həm 3 xal baxımından əhəmiyyətlidir, həm də Azərbaycanla oyundan əvvəl qələbə mütləqdir. Əgər bu iki qarşılaşmada istədiyimizə nail olsaq, yaxşı perspektivimiz olacaq”