Rəsul Quliyevlə bağlı xəbər yalan çıxdı

Azpolitika.com-a verdiyi xəbərə görə, eks-spiker  Rəsul Quliyevlə bağlı beynəlxalq təşkilatlara, xarici səfirliklərə müraciət olunub. Azərbaycan Respublikasının 30-dan artıq siyasi partiya və qeyri-hökümət təşkilatının rəhbərləri, Milli Məclisin sabiq deputatları, hüquqşünaslar və jurnalistlər tərəfindən eks-spiker, Açıq Cəmiyyət Partiyasının (ACP) lideri Rəsul Quliyevin hüquqlarının pozulması ilə bağlı təsis olunmuş Müdafiə Komitəsi beynəlxalq təşkilatlara, Azərbaycandakı xarici səfirliklərə məktubla müracət edib.

Vətəninfo.az-a daxil olan məlumata görə, bu xəbər yalandı. Beləki Rəsul Quliyevin hüquqlarının qorunması ilə bağlı yaradılan müdafiəsi  komitəsinin üzvləri bildiriblər ki, heç bir beynəlxalq təşkilatlara və səfirliklərə müraciət olunmayıb. Yəni, yayılan xəbəri təkzib edirlər. Əgər, xəbər doğrudursa, müraciət olunan beynəlxalq qurumların və səfirliklərin adları və ünvanları göstərməli idi. Dediyimiz məsələlər isə müraciətdə göstərilməyib.

Onu da əlavə edək ki, müdafiə komitəsində xalq artisti Flora Kərimovanın da adı salınmışdı. Lakin Flora Kərimova açıqlamasında komitənin üzvü olmadığını bildirdikdən sonra adı siyahıdan çıxarıldı. VAMP sədri Hacibaba Əzimov isə komitə sədri ola-ola qarşıdan gələn prezident seçkilərində AXCP-sədri Əli Kərimlini müdafiə edəcəyini söyləyib. Bi isə R.Quliyevin narazılığına səbəb olduğundan H.Əzimov da daha o komitədə fəallıq göstərmir.