Rusiya NATO və Aİ-ni dağıda bilər — İDDİA

Nüfüzlu "The Independent" qəzeti "Chatham House" institutunun tədqiqatına əsasən iddia edir ki, Rusiya Federasiyasının siyasəti Avropa İttifaqı və NATO alyansının kollapsa uğramasına səbəb ola bilər.
Mütəxəssislərin hesabatı Ukraynadakı münasişəyə həsr olunub. Mətndə deyilir ki, Moskvanın yürütdüyü siyasət Avropanın gələcəyini müəyyənləşdirən faktor hesab olunur. Onların fikrincə, Ukrayna münaqişəsi nəticəsində Rusiya taktiki nüvə silahını tətbiq edə bilər və NATO bu halda "məhdud müharibə" vəziyyətinin saxlanılmasının mümkünsüzlüyü ilə üzləşəcək.
"Ukraynadakı uğursuzluq Şərqi Avropada qeyri-sabit vəziyyəti daha da dərinləşdirə və Kremlin gələcək macəralarının riskini yüksəldə bilər", - deyə hesabatda qeyd olunub.
Bununla əlaqədar "Chatham House" qərb hökumətlərinə qitədə şərti silahlandırmalar aparmağə tövsiyə edib. Qeyd edək ki, bir müddət öncə "Chatham House"un müəyyən qüvvələrin sifarişlərini yerinə yetirdiyi barədə məlumatlar yayılmışdı.

Ölkə.Az