Teleqraf.com xəbər verir ki, bu barədə Britaniya Müdafiə Nazirliyinin kəşfiyyat icmalında deyilir.

Qeyd edilir ki, hazırda Qara dəniz əməliyyat zonasında Rusiya Hərbi Dəniz Qüvvələrinin 20-yə yaxın gəmisi, o cümlədən sualtı qayıqları var.

Britaniya kəşfiyyatı qeyd edir ki, "Saratov” desant gəmisinin və "Moskva” kreyserinin rüsvayçı itkilərinə baxmayaraq, Rusiyanın Qara dəniz donanması Ukrayna və sahilyanı hədəflərə zərbələr endirmək iqtidarındadır.

Daha əvvəl bildirilmişdi ki, Rusiya gəmi qrupu yenidən formatlanıb və "Moskva” kreyserinin batdığı yerin ətrafında axtarışları davam etdirir.