Erməni təxribatı zamanı şəhid olan zabit toyuna görə bir neçə günə evlərinə qayıtmalı idi.

Hərbi akademiyanın məzunu olan 24 yaşlı Qalib Zülfüqarlı Qazax  rayonunda xidməti vəzifəsini  yerinə yetirərkən düşmən tərəfdən mövqelərimizə açılan atəş nəticəsində həyatını itirib. Şəhid zabitin dəfn mərasimində  doğmaları ilə yanaşı rayon  rəsmiləri, kənd ictimaiyyəti, xidmət etdiyi hərbi hissənin əsgər və zabit heyəti iştirak edib. Vətən uğrunda canından keçən şəhid  zabit yaylım atəşi  ilə torpağa tapşırılıb.

Miq.az Ans press-in məlumatına istinadən bildirir ki, şəhid zabit dəfn edildikdən sonra Azərbaycan bayrağı əmanət kimi  atasına təqdim edilib. Yaxınlarının verdiyi məlumata görə, Zülfüqarlılar ailəsinin ilk övladı olan Qalib yaxın günlərdə evə dönməli, aprel ayında toyu olmalı  imiş. Qalibin atası Laim kişi ehtiyatda olan  hərbi qulluqçudur.