Gununsesi.info-nun xəbərinə görə, assambleya "Azərbaycanda insan hüquqlarının, qanunun aliliyinin və demokratiyanın vəziyyətinin pisləşməsi” mövzusunda cari məsələlər müzakirəsinin keçirilməsinə qərar verib.  Məsələ ilə bağlı 81 səs lehinə, 31 əleyhinə, 5 bitərəf olmaqla qərar qəbul olunub.

 

Azərbaycanın AŞ PA-dakı deputat qrupunun rəhbəri Səməd Seyidov Gununsesi.info-ya açıqlamasında bu müzakirələri Azərbaycana qarşı növbəti qərəzin ifadəsi kimi qiymətləndirib:

"AŞ PA-da bu müzakirələri təşkil edənləri özlərini çıxılmaz quyuya atır. Biz assambleyada  öz fəaliyyətimizi dayandırmışıq. Çünki, qeyri obyektiv, yalan böhtana söykənən münasibətlə üzləşmişik. Zaman-zaman  əleyhimizə bu cür qətnamələr qəbul olunub. Sonuncu müzakirəyə gəlincə, bunu təşkil edənlər elə AŞPA-nın özündə  çox ciddi maneə ilə üzləşib. AŞ PA-da 33 deputat buna qarşı çıxıb. 5 nəfər ümumiyyətlə səsverməyə  qatılmayıb. 81 nəfərlə bu qərarı veriblər”.

Səməd Seyidov deyir ki, AŞ PA dialoq platformasıdır: ” Bizim xarici işlər naziri də BMT-də AŞ -nın baş katibi ilə görüşündə dialoq təklifi verib. Bildirib ki, bu qurum dialoq platformasıdır və Azərbaycan hazırdır ki, müzakirələr aparsın. Amma bunlar nə etdi, gördünüz. Bunların dialoqa cavabları budurmu?”.

Səməd Seyidovun sözlərinə görə, bu müzakirələr Azərbaycanla Avropa Şurası arasındakı gələcək münasibətləri ciddi zədələyəcək.