2011-ci ildən məktəbə direktor gələn Rəfiqə xanım nə var hamısını baş-ayaq edir. Ən adi üzdə olanı budu ki, adam buranı istədiyi kimi "işlədir", yəni ədəbiyyat dərslərini hərbi müəlliminə verir, kimya dərslərini aqronomu tapır yoldan gətirir, ona həvalə edir, dərs bölgüsünü isə hələ Molla Nəsrəddin  kimi də yox, "allahhesabı" bölür, day nə bilim, "ölü canlar"ın maaş kartını özündə saxlayır və s.... Rəfiqə xanımın etdiyi bu əyriliklərin-düzlüklərin hamısını bağışlayaq onun gözəlliyinə, "daydayı"sına, onu direktor təyin edən Mikayıl Cabbarovun fontan vuran intellektinə, amma və lakin gəlin bir suala cavab tapaq:  deməli,  maliyyədən yoxlama gəlib, Rəfiqə xanım da müəllimləri qorxudub ki, 6500 manat borcunuz var, hərədən 100 manat yığıb və hələ üstəlik də deyib ki azdı.

Nəysə, müəllim kollektivinin ən əsas narazılığı hal-hazırda nə tələb olunan "remont pulu", nə "jalüz pulu"dur. Onları dilə gətirən direktorun ölünü də təəccübləndirəcək dərs bölgüsüdür. Diaqnostik imtahandan yaxşı nəticələri olan, neçə ilin təcrübəli pedaqoqlarının dərs yüikünün əlindən alınıb bölünüb yeni əvəzə gəlmiş və ya qeyri profilli müəllimlərə verilməsidir. Söhbət təkcə Azərbaycan müəlliminin ruzisiylə oynamaqdan getmir, həm də qüruruyla oynamaqdan gedir. Bax bunu sizə bağışlamayacaqlar, Rəfiqə xanım. "Buynuzsuz qoçun qisası buynuzlu qoçda qalmaz"- deyib atalarımız.