Sloveniya, Rumıniya və Xorvatiya gimnastları Bakıda

“Bakı-2015” birinci Avropa Oyunlarında iştirak etmək üçün ölkəmizə gələn Sloveniya, Rumıniya və Xorvatiya gimnastları Təhsil Nazirliyinin Bakı Gimnastika Məktəbində məşq keçirlər.
Vətəninfo.az AZƏRTAC-a istinadən bildirir ki, məktəbin idman zallarında 50-dək əcnəbi atletin oyunlara hazırlaşması üçün bütün şərait yaradılıb. İdmançılar burada aerobika, bədii gimnastika, kişi və qadın idman gimnastikası üzrə hazırlıqlarını yoxlayırlar.
Bakı Gimnastika Məktəbinin yetirmələri də “Bakı-2015” birinci Avropa Oyunlarına qatılacaqlar. Onlardan üçü akrobatika gimnastikası, biri idman gimnastikası, biri isə bədii gimnastika üzrə ölkəmizi təmsil edəcək.