Tofiq Hacıyevin xələfi kimdir?

AMEA-nın Nəsimi adına Dilçilik İnstitutunun yeni direktoru 1972-ci ildən Məhəmməd Füzuli adına Əlyazmalar İnstitutunda işləyir.

VİZUAL.az mərhum akademik Tofiq Hacıyevin yerinə təyinat alan Möhsün Nağısoylunun bioqrafiyasını təqdim edir.

O, 1946-cı il sentyabrın 1-də Naxçıvanın Şərur rayonu, Xok kəndində anadan olub. 1988-ci ildən "Farsdilli əlyazmaların tədqiqi” şöbəsinin müdiridir. İnstitutda işlədiyi müddətdə əsasən farsdilli və türkdilli əlyazmaların tədqiqi sahəsində çalışıb. Azərbaycan tərcümə tarixi problemlərinə və yazılı abidələrə dair 200-dən çox elmi və elmi-kütləvi məqalənin müəllifidir.

Məqalələri Tehran, Kabil, Sankt-Peterburq, İrəvan, Kazan, Ankara, Konya şəhərlərində nəşr olunub.

2005-ci ildən Sumqayıt Dövlət Universitetinin xarici ölkələr ədəbiyyatı kafedrasının professorudur. 1967-1970, 1972-1975 və 1982-1986-cı illərdə Əfqanıstanda fars dili tərcüməçisi işləyib.