Türk generalı Azərbaycana gəlir

Türkiyə Quru Qoşunlarının komandanı, ordu generalı Hayri Kıvrıkoğlunun Azərbaycana səfəri planlaşdırılır.

“Vətəninfo.az” Apa-ya istinadən xəbər verir ki, iyun ayının əvvəllərinə gerçəkləşəcəyi gözlənilən səfər ordu generalı H. Kıvrıkoğlunun Quru Qoşunları komandanı vəzifəsində Azərbaycana ilk səfəridir. Türkiyənin Azərbaycandakı səfiri Hülusi Kılıc səfərə hazırlığın getdiyini təsdiqləsə də, tarixi barədə məlumat verməyib.

Qeyd edək ki, general H. Kıvrıkoğlu 2011-ci ilin avqust ayında Türkiyə Quru Qoşunlarının komandanı vəzifəsinə təyin olunub.