Türkiyə-Azərbaycan Dostluq Gecəsi

Yalovada Yalova Bələdiyyəsi, Yalova Əsassız Erməni iddiaları ilə Mübarizə Dərnəyi (ASEF) və Azəri-Türk Qadınlar Birliyi tərəfindən 'Türkiyə-Azərbaycan Dostluq Gecəsi "keçirilib.

“Vətəninfo.az” xəbər verir ki, Barış Manço Açıq Hava Teatrında təşkil edilən gecədə qardaşlıq mesajları verilib.

Xeyli sayda insanın iştirak etdiyi və dostluq mesajlarının verildiyi proqramın açılışınıYalova Əsassız Erməni iddiaları ilə Mübarizə Dərnəyinin başçısı Şəmsəddin Gürtekin edib. Qısa çıxış edən prezident Gürtekin bu sözləri dedi:

"Türkiyə-Azərbaycan arasındakı bu qardaşlıq əbədi davam edəcək. Cənabı Allah qardaşlarımızla qovuşmağımızı bizə nəsib etdi. Söz verirəm ki, Azərbaycan bayrağı Qarabağ səmalarında dalgalandığında, burada toy edəcəyik" 

Azəri-Türk Qadınlar Birliyinin sədri Tənzilə Rüstəmxanlı Yalovada olmaqdan məmnun olduğunu dilə gətirib:

 "Azərbaycan və Türkiyə olaraq biz bir millət iki dövlətik. İnşallah Türkiyə tez-tez belə tədbirlər keçirər. Belə bir gecə sizləri çaşdırmasın . Biz onsuz da dostuq, qardaşıq. bu gün dünyanın üzərimizdə oynadığı oyunlara tədbir almaq, bir millət olduğumuzu göstərmək üçün belə bir tədbir təşkil olundu “.

Çıxışlardan sonra azərbaycanlı Tuna Güvənç ilə Cavit Təbrizli konsert proqramı ilə çıxış ediblər.