Türkiyədə beynəlxalq musiqi festivalı keçiriləcək

Türkiyənin Muğla Böyükşəhər bələdiyyəsinin təşkilatçılığı ilə sentyabrın 2-dən 4-dək Muğla şəhərində Beynəlxalq Zurna Festivalı keçiriləcək.

AZƏRTAC "CNN türk" kanalının saytına istinadla xəbər verir ki, festivalda Türkiyə, Azərbaycan, Yunanıstan, Bolqarıstan və digər ölkələri təmsil edən 19 sənətçi qatılacaq.

Festival Muğladakı teatrların birində baş tutacaq. Üç gün davam edəcək festivalın keçirilməsinin əsas məqsədi zurna ifaçılıq mədəniyyətinin təbliği və gənc ifaçı nəslə bu sənəti daha da sevdirməkdən ibarətdir. Artıq festivala hazırlıq işlərinə başlanılıb.

Festivalda Azərbaycanı əməkdar artist Şirzad Fətəliyev təmsil edəcək.

Bu festival artıq ikinci dəfədir ki, Muğlada reallaşdırılır.

Vətəninfo.az