Türkiyədəki Azərbaycan düşməni: Aydın Doğan 8 il həbs oluna bilər

Türkiyənin media maqnatlarından olan Aydın Doğan 8 il həbs cəzası ala bilər.

Vətəninfo.az-ın məlumatına görə, Publika.az “Sabah” qəzetinə istinadən xəbər verir ki, Türkiyə Ali Məhkəməsi Aydın Doğan və qızı Hanzade Doğan Boynerin mühakimə olunduğu “kağız istintaqı”ndakı bəraət qərarını ləğv edib.
Doğan, qızı və digər iki şirkət rəsmisi yenidən mühakimə olunacaq. Sərmayə Bazarı Təşkilatı (SPK), “Hürriyət” və əvvəllər “Doğan Qrupu”nda olan “Milliyyət” qəzetlərinin istifadə etdiyi kağızların Aydın Doğanın xaricdə qurduğu ofşor şirkətləri vasitəsilə alındığı iddia olunur. Günahları sübuta yetiriləcəyi halda adıçəkilən şəxsləri 2 il 6 aydan 8 il 9 aya qədər həbs cəzası gözləyir.
Ağır Cinayətlər üzrə 7-ci İstanbul məhkəməsi 2013-cü ildə lazımi sübutlar olmadığını əsas gətirərək “kağız istintaqı”nda bəraət qərarı vermişdi.