Vəfa Quluzadə: «Rusiya Ermənistanı hər ehtimala qarşı silahlandırır»

«Ermənistan müstəqil dövlət deyil, faktiki olaraq Rusiyanın bir hissəsidir. Ona görə də Rusiya onu hər ehtimala qarşı silahlandırır».

Bunu Vətəninfo.az saytına açıqlamasında politoloq Vəfa Quluzadə deyib: «Ermənistanın atdığı son addımın Rusiya Azərbaycan münasibətlərinin indiki durumuna heç bir aidiyyatı yoxdur. Rusiya həmişə bu addımı atıb. Hətta Azərbaycanla münasibətlər yaxşı olanda da Rusiya ermənilərlə birlikdə təlim keçib. Rusiya əvvəldən Ermənistana necə münasibət bəsləyibsə, indi də elə münasibət bəsləyir».
Xatırladaq ki, Rusiya prezidenti Vladimir Putin hökumətin Ermənistanla danışıqların aparılmasına dair təklifini bəyənib. Rusiya hökuməti Ermənistanla hərbi-texniki əməkdaşlığın inkişafına dair sazişin imzalanması üçün danışıqlar aparmaq niyyətindədir. Putinin imzaladığı sərəncama əsasən, Rusiya hökuməti Ermənistanla aparılacaq danışıqların yekununa dair müvafiq saziş imzalayacaq.

Firudin