“Xəzər Lənkəran” üçün möhtəşəm qarşılama.....

8 illik tarixi ərzində avrokuboklarda ilk dəfə mərhələ keçən “Xəzər Lənkəran” istirahətə buraxılıb. Komanda sabah Bakıda bir araya gələcək.

“Vətəninfo.az” xəbər verir ki, ilk iki gün paytaxtda hazırlaşdıqdan sonra ağ-yaşıllar iyulun 15-də cənuba yola düşəcəklər. Klubun icraçı-direktoru Höccət Hacıyev açıqlamasında bildirib ki, komanda üçün möhtəşəm qarşılanma təşkil olunacaq. Bu, Lənkəran şəhərinin girişində olacaq.
Belə ki, Avropa Liqasında mərhələ keçməklə tarixə düşən komanda azarkeş ordusunun və maşın karvanının əhatəsində fırtınalar meydanına yola salınacaq.