Yeni Azərbaycan Partiyası İdarə Heyətinin iclası keçirilib

“Vətəninfo.az”ın verdiyi xəbərə görə, Yeni Azərbaycan Partiyası İdarə Heyətinin iclası keçirilib

YAP Sədrinin müavini-İcra katibi Əli Əhmədov İdarə Heyətinin gündəliyindəki məsələlər barədə məlumat verdikdən sonra, iclasda bildirilmişdir ki, hər il olduğu kimi bu il də Ümummilli Lider Heydər Əliyevin anadan olduğu gün Azərbaycan ictimaiyyəti və Yeni Azərbaycan Partiyası tərəfindən geniş şəkildə qeyd ediləcək. 

İdarə Heyəti Ümummilli Lider Heydər Əliyevin anadan olmasının 89-cu il dönümü ilə əlaqədar Yeni Azərbaycan Partiyasının tədbirlər planını təsdiq etmişdir. 

İclasda qeyd olunmuşdur ki, bu il Yeni Azərbaycan Partiyası üçün yubiley ili kimi əlamətdardır. Bununla əlaqədar olaraq, Yeni Azərbaycan Partiyasının yaradılmasının 20 illiyinə dair tədbirlər planı müzakirə olunaraq, təsdiq edilmişdir. Eyni zamanda, partiya fəaliyyətinin müxtəlif istiqamətləri ilə bağlı zəruri qərarlar qəbul olunmuşdur.