“Yeni Texnologiyalardan istifadənin təbliği ”nin icrasına başlanıb

Vətəninfo.az - Azərbaycan Respublikasının Prezidenti yaninda Gənclər Fondunun maliyyə dəstəyi ilə Bakı şəhərində “Yeni Texnologiyalardan istifadənin təbliği ” adlı layihənin icrasına başlanmışdır. Layihə Gənclər Fondunun elan etdiyi VI qrant müsabiqəsinin fərdi şəxslər üçün olan kateqoriya üzrə qalib olmuş Əliyev Vüsal Fəxrəddin oğlu tərəfindən icra olunur. Layihənin əsas məqsədi ən yeni texnologiyaların gənclər arasında təbliği, günün tələbatına uyğun olaraq gənclərin adaptasiyası və gənclərin maarifləndirilməsindən ibarətdir.
“Yeni Texnologiyalardan İstifadənin Təbliği” layihəsi dövrümüzdə ixtira olunan ən yeni texnologiyaların cəmiyyətdə öyrənilməsi və istifadəsini təbliğ etməyi nəzərdə tutan irimiqyaslı layihədir. Layihənin açılış tədbirinə Gənclər Fondunun əməkdaşları ilə yanaşı texnologiya sahəsi ilə bağlı olan müəssisələr, dövlət qurumlarından qonaqlar dəvət olunmuşdur. Açılışda Yeni Azərbaycan Partiyası Gənclər Birliyin sədri,Partiyanın siyasi şurasının üzvü Seymur Orucov,Rasim Səfərov Vüsal Əliyev çıxış etmişdir. Açılış tədbirində iştirak edən gənclər ilə fikir mübadiləsi aparılımışdır.